Безнең күпчелегебез күп фатирлы йортларда торак милекчесе булып тора. Әмма торак-коммуналь хезмәтләр күрсәтүгә түләүнең кем тарафыннан һәм ничек билгеләнүе турында уйлап караучыларыбыз, булса да, аздыр. Әлеге язмада сүзебез – нәкъ менә шул хакта.

Бу мәсьәлә ТФ Торак кодексы (алга таба – РФ ТК) һәм РФ Хөкүмәтенең 13.08.2006 ел, №491 карары белән расланган Күп фатирлы йортта гомуми милекне карап тоту кагыйдәләре (алга таба – Кагыйдәләр) нигезендә җайга салына.

РФ Торак кодексының 153 статьясындагы 2 бүлегенең 1-6 пунктлары нигезендә, торакка һәм коммуналь хезмәтләр күрсәтүгә түләү бурычы килеп чыга:

· социаль найм килешүе буенча торакны наймга алучыда, мондый килешү төзелгән мизгелдән башлап:

· торак кооперативы әгъзасында, торак кооперативы торак биргән мизгелдән башлап;

· торак милекчесендә, торакка милек хокукы пәйда булган мизгелдән башлап;

· төзүче оешмадан (күп фатирлы йорт төзүне тәэмин иткән заттан) күп фатирлы йортны файдалануга тапшыруга рөхсәт бирелгәннән соң бу йорттан тапшыру акты яки тапшыру турында башка документ нигезендә торакны кабул итеп алган затта, торакны тапшыру мизгеленнән башлап.

РФ Торак кодексы һәм Кагыйдәләр нормалары нигезендә, күп фатирлы йортта торакны карап тоту һәм төзекләндерү өчен түләү күләме, идарә ысулына бәйле рәвештә, әлеге йортның торак милекчеләре тарафыннан билгеләнә:

1. Идарәче компания очрагында – түләү күләме, РФ Торак кодексының 45-48 статьялары нигезендә үткәрелә торган гомуми җыелышта идарәче оешма тәкъдимнәреннән чыгып, күп фатирлы йортта торак милекчеләре тарафыннан кимендә бер еллык срокка билгеләнә;

2. ТСЖ (ЖСК яки башка махсус кулланучылар кооперативы) очрагында – түләү күләме ТСЖ (ЖСК, ЖК) идарә органнары тарафыннан устав нигезендә билгеләнә. Югары идарә органы булып (аның компетенциясенә, шул исәптән, ширкәт әгъзаларының мәҗбүри түләүләре һәм взносларын күләмен билгеләү, ширкәтнең еллык керемнәре һәм чыгымнары сметаларын, мондый сметаларны үтәү турында хисапларны, аудиторлык бәяләмәләрен (аудиторлык тикшерүләре үткәрелгән очракта) раслау керә) торак милекчеләре ширкәте әгъзаларының гомуми җыелышы тора;

3. Турыдан-туры идарә итү очрагында түләү күләме РФ Торак кодексының 45-48 статьялары нигезендә үткәрелә торган гомуми җыелышта торак милекчеләре тарафыннан билгеләнә.

Коммуналь хезмәтләр күрсәтү өчен түләү күләме исәпләгеч күрсәткечләреннән чыгып, ә алар булмаганда – Россия Федерациясе Хөкүмәте тарафыннан билгеләнгән тәртиптә Россия Федерациясе субъектларының дәүләт хакимияте органнары раслый торган коммуналь хезмәтләрдән файдалану нормативларыннан чыгып билгеләнә.

“Татарстан Республикасында (Татарстан) Гигиена һәм эпидемиология үзәге” федераль бюджет сәламәтлек саклау учреждениесенең консультация үзәге

тел. (843) 221-90-16